حرص المخرج محمد سامي، على دعم زوجته الفنانة مى عمر، وتهنئتها بعد مسلسل «الست موناليزا» ونجاح العمل الذى فاق التوقعات، بسبب قصته وأحداثه، معربًا عن سعادته بقوتها فى تصوير العمل رغم مرورها بظروف قاسية أبرزها وفاة والدها.
وكتب محمد سامي فى منشور عبر حسابه بـ«فيسبوك» ليهنئها: «النهاردة مي عمر خلصت تصوير مسلسل الست موناليزا، أخر كام يوم كانوا صعبين جدًا لأنها صورت فى عز ظروفها لأن المسلسل بيتعرض على الهوا».
وتابع: «بس صبرها وساعدها وجود رجالة أخواتها كانوا فى ظهرها محاوطين عليها برجولة وجدعنة ودعم لا محدود، بداية من mbc مصر، المحترم محمد عبد المتعال والأخ الشهم المحترم محمد مصطفى والمنتج الراقى الطيب الخلوق اللى بيحب أبطاله وبيقدرهم حسن العسيري».
وأضاف: «وأجمل وأشطر إثنين منتجين طارق فهمى ومحمد عبد الوهاب اللى كانوا مموتين نفسهم عشان الست موناليزا يحقق النجاح اللي حققه بفضل ربنا وكرمه ويتصدر الترتيب سواء فى مصر أو الوطن العربي».
وأردف: «أنا باشكر الناس دي لأمانتهم وإخلاصهم وحبهم للناس اللى بتشتغل معاهم، سهل إنك تعمل مسلسل بس صعب إنك تبقى رقم واحد من أول يوم عرض لآخر يوم، بكلام موثق موجود على المنصة بريتنيج وترتيب واضح وشرعى ومعلن، مش كلام مطلق وعايم.. الست موناليزا رقم 1 من حلقة 1 إلى 14 وإن شاء الله هيقفل كده، لله الحمد والشكر».
أبطال «الست موناليزا»
يضم مسلسل «الست موناليزا»، مجموعة من الفنانين إلى جانب مي عمر وأحمد مجدي، سوسن بدر، إنجى المقدم، وفاء عامر، شيماء سيف، سلوى محمد على، جورى بكر، مصطفى عماد، وحازم إيهاب، من تأليف محمد سيد بشير وإخراج محمد على.