اثار اعلان شيبسي تامر حسني الجدل حيث تعرض الفنان تامر حسني لكثير من الانتقادات بسبب إعلانه الجديد عن منتج شيبسي واخيرا خرج تامر حسني عن صمته وياليته لم يخرج، استكمل معنا المقال لتتعرف علي رد الفنان تامر حسني علي حملة الانتقادات الموجهة له.
اعلان شيبسي تامر حسني
بعد ساعات من ظهور اعلان شيبسي تامر حسني خسر الفنان تامر حسنى أكثر من مليون متابع على صفحته الرسمية على فيسبوك، بعد الانتقادات التى تعرض لها لإعلانه شركة ضمن شركات المقاطعة بسبب غزة نشر تامر حسني عبر صفحتة على فيسبوك و انستجرام قائلا:
مساء الخير عليكم.. بقالي يومين بتابع اللي بيحصل و احتراماً للجميع.. أنا بوضح حاجة بخصوص إعلان شيبسي الأخير
أولاً.. أنا على قوة الشركة من سنتين، قبل أي أحداث و ده مش أول إعلان، ده ثالث إعلان في عقدي، معلش أحياناً الكلام عند بعض الناس بيبقى سهل، و تحديداً لما بيكون بدون علم بالعقود و بحيثيات الموضوع كله.
ثانياً.. أنا مضيت على عقد مكتوب فيه، إن شيبسي شركة مصرية و لها سجل تجاري ضريبي مصري منفصل و البند قدامكم أهوه لصدق كلامي
ثالثاً.. و الأهم لأي حد بيشكك في انتمائي للقضية الفلسطينية، هقوله أنا من ٢٠ سنة و أنا في ضهر القضية و مش كلام و أغاني بس لاااااا …. أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته و يروح بنفسه معبر رفح أثناء الضرب مجاملة مثلاً …!!
وأخيراً …. أنا لما قررت أكون الوجه الإعلاني لشيبسي من سنتين لأنه منتج مصري كل المصريين بيحبوه و البطاطس من الفلاحة المصرية و بيتباع في مصر بس و اتربينا عليه و الأهم إن الشخص البسيط يقدر يشتريه في ظل ظروفنا الاقتصادية، و أظن ده واضح في الاعلان.. ده كان شعوري الشخصي تجاه الحملة وأنا بمضيها من سنتين عشان كدة كان واجب علي التوضيح للجميع و للّي مش واصلاله الصورة بكل احترام.. و شكراً لكل اللي ردوا عني و هما مغمضين حقيقي انتوا نعمة كبيرة من ربنا ألف شكر و رمضان كريم على الجميع.
بند العقد بين شركة شيبسي و تامر حسني
التعليقات