![“مش هيخليني ألعب كورة تاني” تصريحات عبدالرحمن خالد لاعب المقاولون العرب السابق.. ازاي حد يعمل كدا علشان ألف ولا ألفين جنيه](https://mj.bald-news.com/wp-content/uploads/2024/08/197-768x500.jpg?v=1724147358)
يتحدث الجميع في مصر عن عبدالرحمن خالد لاعب المقاولون العرب السابق وعن الذي حدث له والذي ابكي الملايين في مصر والوطن العربي، وتحول من لاعب منتخب مصر للشباب والإحتراف في الخليج الي لاعب بدون نادي وخسر كل أمواله.
عبدالرحمن خالد لاعب المقاولون العرب السابق
ومتابعة لحديثنا عن عبدالرحمن خالد لاعب المقاولون العرب السابق، الذي فسخ نادي العربي الكويتي عقده بعد 11 يوم فقط من إنضمامه للقريق الكويتي، وعبر اللاعب عن حزنه عبر مواقعه للتواصل الإجتماعي بتصريحات مهمه جداّ، والتي نستعرها لكم في السطور القليلة القادمة:
حقيقي مش مستعوب اللي حصل معايا.. مش قادر أفكر ومش عارف مستقبلي رايح فين ولا جاي منين، حاسس إني بحلم، عُمر في بني أدم يعمل كدا في حد
نادي العربي قال إني مضيت لنادي تاني (درجة رابعة) بدون علمهم ودا محصلش، انا بلعب في الدوري المصري من 9 سنين وبيجلي عروض من أندية كتيره عمري ما أعمل كدا..الحكاية أن في مدرب كبير في مصر، قالي أن في وكيل كويس خليك معاه هيعملك كل اللي انت عايزه، المهم أن الوكيل دا مضيت معاه، وقال انا هجبلك عروض ولو النادي مبيدفعلكش فلوسك هديلك فلوسك، وكبرت المدرب اللي نصحني وروحت مضيت معاه فعلا.. في فترة كنت باخد منه مبلغ كل شهر.. لأن نادي المقاولون مكنش بيطلع فلوس بسبب النتائج، وانا عندي أسرة وعندي التزامات،
وكنت متفق معاه إن لما يجيلي عروض هدفعله الفلوس اللي خدتها وكمان جدعنه هديله جزء من فلوس أي نادي هروحه، ولما لقيته مش شغال ومفيش عروض جبهالي.. روحت نادي العربي.
باقي تصريح عبدالرحمن خالد لاعب المقاولون العرب
وبعد ما روحت.. لقيت الشخص دا بيهدد وكيلي أنه هيبطلني كورة، ومش هيخليني ألعب كورة تاني.. ومصمم يأذني وعاوز فلوس أكتر من انضمامي للعربي، وقولت له أنا مخدتش فلوس لسا من النادي ولما أخد فلوس هديلك فلوسك
أخد عقود مضيتها معاه من سنه وراح حطها في نادي في الدرجة الرابعة، وراح اشتكاني لنادي العربي على اساس اني ماضين في ناديين.. في ورقة في اتحاد الكرة راحت لـ النادي العربي أني مقيد في نادي الدرجة الرابعة، وانا مش مقيد معاهم أصلا!!، دي كارثة ان في حد واخد فلوس من الاتحاد علشان يبعت ورقه للنادي العربي، ورقة مزورة!! ازاي حد يعمل كدا علشان ألف ولا ألفين جنيه، حسبي الله ونعم الوكيل في أي حد
هبوط نادي المقاولون العرب
بعد انتهاء جميع جولات الدوري المصري الممتاز لموسم 2023-2024 لم يتمكن نادي المقاولون العرب من البقاء في دوري المحترفين الدرجة الأولي في مصر، وذلك بسبب وجودة في المركز قبل الأخير وهبوطه رفقه الداخلية وبلدية المحلة.