أشادت الفنانة راندا البحيري بأداء الفنانة دينا الشربيني في مسلسل كامل العدد 3،الذي عُُرض في موسم دراما رمضان 2025 و حقق نجاح كبير. 

راندا البحيري تشيد بأداء دينا الشربيني في مسلسل كامل العدد 3

وكتبت من خلال حسابها الرسمي عبر موقع التواصل الاجتماعي فيسبوك، قالت: "النهارده خلصت مشاهدة مسلسل كامل العدد الجزء الثالث بعد ما كنت شوفت الاول و الثاني اكيد قبل كده وعايزه في اول البوست ده أسجل إعجابي ب دينا الشربيني جداااااا أنا أصلا بحبها ..  بس المسلسل ده خلاني أحبها أكتر و أكتر طبيعيه بشكل ميتوصفش و حقيقيه و كأنها بجد أم". 

وأضافت: "أنا ساعات بسرح و أنا بتفرج و بقول ((هي إزاي المشاعر دي هي تعرفها و هي مش أم في الحقيقه)) دينا الشربيني ممثله عبقريه وحساسه وجميله جداااااا وطيبه من غير ما اعرفها وده واضح اوي من طاقتها ومن الطريقه اللي بتمثل بيها ومن طبيعيتها في المشاهد". 

وتابعت: "طبعا شريف سلامه ممثل جميييل و كل ولادها في المسلسل هايلين بجد حتي اصغر طفل الي لسه مش بيتكلم هايل هايل الكاستنج رهيب ف المسلسل". 

واختتمت: "بس البوست ده ل دينا بس و ممكن بعد كده اكتب بوستات تانيه ل بقية المسلسل بس بجد عاش يا ديييينا اقسم بالله العظيم تجنني". 

مسلسل كامل العدد 3

يتعاون في بطولة مسلسل كامل العدد 3 بجانب الفنانة دينا الشربيي مجموعة من أبرز نجوم الفن منهم الفنان شريف سلامة، الفنانة القديرة إسعاد يونس، أحمد جمال سعيد، بدرة، حسين فهمي، مريم الخشت، جيسيكا حسام الدين، لينا صوفيا، حمزة دياب، أحمد عبد الوهاب، سيليا محمد سعد، أية سماحة، ميمي جمال، تميم عبده، مالك عماد، محمد سعد، والعمل من تأليف رنا أبو الريش ويسر طاهر، إنتاج شركة أفلام إيجل لـ جمال سنان، إخراج خالد حلفاوي.