طالب عبد الرحمن سليمان عيد نجل الفنان الراحل سليمان عيد، بأن يبلغة كل شخص أنفق في جنازة والده أموال لكي يعيدها له، حتي يكون والده مرتاح، كما نعي والده بكلمات مؤثرة، ووجه شكر لـ كل من قام بتقديم واجب العزاء.

وكتب عبد الرحمن سليمان عيد من خلال حسابه الرسمي عبر موقع التواصل الاجتماعي فيسبوك، قال: “ شكر الله سعيكم جميعا.. ملتمسين العذر لكل اللي مقدرش ييجي العزا و مقدرين ظروف كل الل كان نفسه ييجي ربنا يجعله في ميزان حسناتكم و يغفر لأبويا ويرحمه”.

وأضاف: “شكرا لكل اللي طبطب على قلوبنا انا و أمي و أختي شكرا من قلبي بجد لأخواتي و أصحابي و أساتذتي اللي وقفوا جامبي من أول لحظة و مسابونيش أبدا لحد دلوقتي ربنا يخليكم ليا و يباركلكم في حياتكم و يديم المحبة بيننا يارب بحبكم اوي والله وكل واحد فيكم عارف هو عندي ايه”.

وتابع: “سامحوني في ناس كتير اوي اوي بجد باعتينلي و انا مش عارف أرد على العدد ده و محدش يزعل اني مقدرتش ارد بس والله تسلم ايديكم وعظم الله أجركم جميعا والحمدلله على حب الناس”.

وأختتم: “اخر وأهم حاجه ورحمة أبويا الغالي كل من دفع جنيه انا معرفش عنه حاجه في خارجة أبويا لحد إنهارده يبلغني بيه عشان يكون مرتاح و مطمن و لو في حد له عندي او عند ابويا أي حاجه أرجوكم يعرفني ضروري.. اللهم ارحم موتانا وموتى المسلمين جميعا”.

نجل سليمان عيد يرثي والده بكلمات حزينة

ورثي عبد الرحمن والده، وطالب الجمهور بالدعاء له، وذلك من خلال منشور عبر صفحته الرسمية من خلال موقع التواصل الاجتماعي “فيسبوك”، حيث نشر صورة لـ والده سليمان عيد.

وكتب: "أبويا يا أحلى ضحكه في حياتي إمبارح وانهارده كل الناس جاتلي و دعيتلك الحمدلله والشكر لله على نعمة حب الناس ليك، متخافش يا حبيبي انا كنت واقف راجل و هفضل راجل زي ما علمتني و كبرتني قلبي موجوع اوي اوي يابويا بس والله العظيم مطمن انك في احلى و اعظم مكان عند اللي احن مننا كلنا عليك وده اللي مصبر وجعي."

وأضاف: “بحبك يا حبيبي وسندي وضهري.. وحشتني.”