كشف عماد يسري الناقد الفني، عن سر النجاح الكبير الذي حققه فيلم "سيكو سيكو" بطولة عصام عمر وطه دسوقي، وقدرتهم على تصدر المركز الأول في شباك التذاكر منذ طرحه، بالإضافة لقدرة فيلم الصفا ثانوية بنات علي جذب الشباب.

ناقد فني يكشف سر نجاح فيلم سيكو سيكو و الصفا ثانوية بنات 

وقال الناقد الفني عماد يسري في تصريح خاص لـ "مصر تايمز" إن هناك فكرة وإنتاج ذكي قدر ينظر بنظرة مستقبلية، وهذا ما تجسد بشكل واضح في فيلم سيكو سيكو، الذي استطاع أن يجذب الجمهور باختيار أبطال محبوبين وسيناريو وحوار يعتبروا البطل الحقيقي للعمل". 

واضاف الناقد عماد يسري: "النجاح هنا مش صدفة، دي توليفة معمولة بحرفية، من أبطال زي طه دسوقي وعصام عمر، اللي ليهم جماهيرية كبيرة، خاصة وسط الشباب، واللي هم أصلًا المحرك الأساسي للسينما."

وتابع: "المنتج كان واعي جدًا وفاهم السوق، فاختار وجوه شابة محبوبة وسيناريو قوي، ومخرج عارف يقود المشروع كله للنجاح، وده اللي جعل الفيلم يحقق المركز الأول في مصر.

كما تحدث عن فيلم الصفا ثانوية بنات بطولة النجم علي ربيع، وأشار الناقد إلى إنه من الأفلام اللي لامست وجدان الشباب، وقال:"الفيلم ده لمس الشباب جدًا، لأن قصته قريبة من حياتهم واللي بيعيشوه، وده جعله من أكتر الأفلام اللي حسوا إنها بتعبر عنهم فعلاً.

وأختتم: "السينما دلوقتي محتاجة ذكاء إنتاجي، وده اللي حصل في سيكو سيكو، لأن النجاح مش بس في اسم النجم، لكن في عناصر العمل كلها وهي اللي كانت على أعلى مستوى."