قال الإعلامي أحمد موسي إنه من الواجب سماع الحقيقة الكاملة بشأن وفاة أسامة البسيوني مدير إدارة الباجور، معلقا: نسمع الناس الي هما موجودين .. أصل أي حد ممكن يكتب وفي ناس قاعدين لأي حاجة".

وأوضح الإعلامي أحمد موسى خلال تقديم برنامجه «على مسئوليتي» المذاع على قناة «صدى البلد»: الراحل أستاذ أسامة كان واقف والوزير سلم عليه، والوزير مشي مع مدير المدرسة، وهو بيسلم عليه متكلمش معاه، أستاذ أسامة كان واقف، ومتكلموش كلمتين .. سلام ومشي.. مفيش حوار حصل".

وتابع أحمد موسى بأن الوزيرمحمد عبداللطيف، كان سعيدا أثناء الزيارة، لأنه وجد نسبة الحضور أكثر من 80%، مع انتظام الدراسة، وسألهم على الحصص والمواد والمناهج التعليمية، ومكنش في أي شيء آخر.

وأردف موسي مفيش تعنييف ولا أي شيء، ومكنش فيه أي حاجة حول ما نسب، ومدير المدرسة اللي كان حاضر،أكد أنه لم يحدث شيئا، ولم يحدث أي حوار، ولا يوجد أي تعنيف، ولا تعالالي الوزارة ولا استقيل، وكل الكلام دا محصلش".

وشدد موسي علي عدم الجري ورا أي كلام يتقال أو يتكتب .. محدش له مصلحة يخبي أي معلومة"، وقدم الإعلامي أحمد موسى، التعازي لأسرة المتوفي الأستاذ أسامة مدير إدارة الباجور.