علق الفنان عمرو محمود ياسين على واقعة دهس صورة لاعب نادي الزمالك أحمد زيزو من ملاعب قطاع الناشئين والتي كانت متواجدة بجانب صور نجوم فريق الزمالك معبرا عن استيائه من هذا التصرف مؤكدًا أن النادي بحاجة إلى إدارة جديدة.
وكتب عمرو عبر صفحته الرسمية "فيس بوك" صدقوني وباخلاص شديد بقولها نادي الزمالك محتاج اداره تانيه خالص
اللي بتعمله إدارة النادي في جمهوره صعب جدا وما حدش يقول لي ما لكش دعوه وخليك في نفسك لان انا بعتبر نادي الزمالك جزء من تكويني كمواطن مصري وصدقوني انا دايما بيهمني اني اشوف نادي الزمالك قوي انا مش من الجمهور الذي يعتبر أن فشل الزمالك وانحداره في المستوى شيء ايجابي او يسعدني بالعكس هو اصلا كلما ارتفع مستوى نادي الزمالك ارتفع مستوى النادي الاهلي و ارتفع مستوى كره القدم في مصر
وأضاف" ما تقوليش روح قول للخطيب ولا روح قول للنادي الأهلي هو اللي يوقعنا لان باختصار طب وحضرتك فين لو اللي بتقوله ده صحيح انت كنادي وكمجلس إدارة كرجال نادي الزمالك انتم فين من ده كل اللي حصل مع ملف احمد زيزو غلط في غلط من اول لما فشلوا في بيعه لما جات لهم العروض طمعا في التجديد له ...مرورا بعدم التجديد له وفشلهم في ده.. انتهاء باستبعاده من خططهم فيما تبقى له من مده في العقد ".
وأختتم "طبعا مش هننسى المنظر الساذج العبيط و اللقطه العبثية مع صوره زيزو وهى تسقط على الارض وناس غريبه كده فاكرينها صورة طاغية من طواغيت حكم ديكتاتوري مثلا وبيدوسوا عليه كانهم اسقطوا شاوشسكو بجد يا جماعه حرام اللي بيحصل في نادي عظيم وعريق زي ده".
الجدير بالذكر أن كان أحمد سيد "زيزو" قد تواجد في السفارة الأمريكية يوم الثلاثاء الماضي لاستخراج التأشيرة استعدادًا لمشاركته مع الأهلي في بطولة كأس العالم للأندية 2025. ويُشارك الأهلي في هذه البطولة ممثلاً عن قارة إفريقيا إلى جانب أندية الوداد المغربي، الترجي التونسي، وصن داونز الجنوب أفريقي.
أخبار متعلقة :