أكدت الإعلامية لميس الحديدي أن لرفع أسعار المحروقات الأخير تأثيرات مباشرة وغير مباشرة على أسعار السلع وخدمات النقل، لكنها وجهت رسالة واضحة للحكومة، داعية إلى وضع موازنة المواطن في الاعتبار في ابواب الاصلاح الاقتصادي وضبط الموازنة .

أسعار المحروقات

وقالت لميس الحديدي خلال تقديمها برنامج "كلمة أخيرة" على شاشة ON:"وأنتم بتظبطوا الموازنة، ومع اقتراب الموازنة الجديدة في يوليو، اللي فيها زيادات في المرتبات والمعاشات، فكروا في موازنة المواطن الشخصية. برنامج الإصلاح الاقتصادي مهم، لكن في أبواب تانية نقدر نبدأ بيها قبل الدعم، خاصة إن الدعم لا يمثل إلا 11% من الاستخدامات، وهو رقم ضعيف جدًا."

وتابعت الإعلامية لميس الحديدي:"الاستثمار الحكومي، والإنفاق، والمديونية، كلها أرقام أكبر بكتير. أرجوكم، فكروا في المواطن وأنتم بتاخدوا القرارات. الأمور بقت صعبة جدًا."

كما وجهت لميس الحديدي رسالة إلى التجار، قائلة:"بوجه رسالة للتجار بعد مناشدة الحكومة... أنتم عارفين إن في تراجع في القوة الشرائية، بلاش تبقوا أنتم والزمن على الناس. اقفوا جنبهم، لأن لو الناس بطلت تشتري، الضرر هيجيلكم أنتم كمان."

وأضافت الإعلامية لميس الحديدي:"متفكرش كنتاجر  في المكسب اللحظي... فكر إنك عاوز زبونك يفضل معاك، وإنك تبيع بشكل مستمر. لو هتزود، زود في أضيق الحدود، ولو تقدر تمتص الزيادة الأخيرة، اعمل كده... حتى لو شلت نص التكلفة، وحملت الناس نص."

واختتمت حديثها برسالة إنسانية قالت فيها:"مش عاوزين ركود، ومش عاوزين قفزات جديدة في التضخم. إحنا عايزين اقتصاد نقدر نشم نفسنا فيه شوية."