كشف المخرج كريم الشناوي كواليس الاتفاق مع الكاتبة والسيناريست مريم نعوم على مسلسل “لام شمسية”، وقال:"وقت ما شرحت لي فكرة المشروع، كنا لسه ما اشتغلناش سوا كتير، لكن فجأة قلت لها: دهمشروعي أنا، وأنا أحسن واحد يعمله!"

وتابع خلال لقائه في برنامج "كلمة أخيرة"، الذي تقدمه الإعلامية لميس الحديدي على قناة ON:"رغم إننا ما اشتغلناش سوا بشكل مكثف في وقت عرض المشروع ، إلا إني قلت الجملة دي، حتى لو كانت غريبة شوية في بداية التعارف، بس أنا حسيت إن المشروع ده بتاعي، وفعلاً اعتبرته مشروع مشترك مع مريم."

وبخصوص اختيار العمر المناسب لمشاهدة العمل، قال الشناوي:"احترمنا السن اللي حددته الرقابة، رغم إن ليّ وجهة نظر تانية، وهي إن المسلسل ممكن يكون مناسب من سن 13 أو 14 سنة تحت إشراف الأسرة. لأن سن المراهقة دلوقتي نزل، وبقى بيبدأ من 11 سنة تقريبًا. بس في النهاية احترمنا توجيه الرقابة."

وأكمل:"الجيل اتغير، والمراهقة بقت بتبدأ بدري، لكن يظل الإنجاز الأهم إن العمل خرج بدون أي ملاحظات رقابية."

التقط الفنان أحمد السعدني طرف الحديث، معلقًا:"أنا ضد فكرة التصنيف العمري، في زمن الإنترنت، ابني يقدر يدخل يشوف أي حاجة، والموضوع فعلاً مهم لكل الجيل."

وأوضح أنه تعامل مع ابنه (البالغ من العمر 17 سنة حاليًا) بشكل منفتح منذ أن كان في سن 13-14 عامًا:"كنت بنقشه في كل المواضيع، من أول التحرش لحد الأفكار الغريبة أو الشاذة، وحتى التصرفات الخائطة  ."

وأشار إلى أن ابنه الاصغر  شاهد المسلسل معه، وقال:"قعدنا نتفرج سوا وناقشته في كل حاجة... أنا شايف إن المفروض نقول (المشاهدة تحت إشراف عائلي) بدل ما نعمل تصنيف عمري، لأن النت مفتوح واللي ممكن يشوفوه عليه أصعب بكتير من اللي قدمناه."